Францускиот министер за надворешни работи Филип Дуст Блази го повика Израел да ја укине воздушната, поморската и копнената блокада на Либан, за непречено одвивање на активностите за реконструкција на Либан, а воедно ја повика либанската влада да преземе мерки со цел да осигура дека преку нејзините граници нема да се внесува оружје. Францускиот шеф на дипломатијатија е во Бејрут на разговори за распоредувањето на 15 илјади мировници на ОН на југот од Либан, за кои подготвеност за учество изрази и Франција. На истата тема во Бејрут со либанските власти се очекува да разговараат и министрите за надворешни работи на Турција, Пакистан и Малезија.