Врховниот суд на Австралија денеска го отфрли барањето на Драган Васиљковиќ, обвинет за воени злосторства, да го блокира неговото израчување на Хрватска. Васиљковиќ кој е познат под прекарот Капетан Драган е обвинет за мачење, убивање и прогонување хрватски воени затвореници и цивили за време на војната во почетокот на деведесетите години. Тој е австралиски државјанин и од јануари е во притвор во затворот во Сиднеј.
