Перу доби нов претседател. Станува збор за Алан Гарсија кој во вчерашниот втор круг го победи националистичкиот кандидат Оланта Хумала. Во текот на осумдестите години на минатиот век Алан Гарсија веќе беше претседател на Перу. Но, тогаш тој не се прослави. Земјата беше економски руинирана, а владата беше обвинета за кршење на човековите права. Повеќето перуанци, според аналитичарите, гласале за Гарција, сметајќи дека тој е помало зло од Хумала.
