Шефот на рускиот национален совет за безбедност Игор Иванов престојува во дводневна посета на Техеран на разговори кои, како што се очекува, ќе бидат фокусирани врз контроверзната иранска нуклеарна програма. Русија и Кина остро се противат на можноста од воведување меѓународни санкции спрема Иран. Вчера рускиот министер за одбрана Сергеј Иванов потврди дека Москва има намера да потпише договор за снабдување на Иран со ракети од типот земја воздух во вредност од седумстотини милиони долари.
