Специјалниот пратеник на Обединетите Нации за идниот статус на Косово Марти Ахтисари синоќа во Стразбур го информираше Советот на Европа за досегашниот тек на преговорите меѓу Белград и Приштина. Тој најави дека наесен ќе им поднесе извештај на Советот за безбедност и на Контакт групата за ова прашање. Инаку, од денеска нов шестмесечен претседавач на Советот на Европа е шефот на руската дипломатија Сергеј Лавров кој изјави дека не треба да има строги датуми кога да завршат преговорите за статусот на Косово.
