Американскиот претседател Џорџ Буш се очекува во денешното телевизиско обраќање да ја обелодени одлуката за распоредување на илјадници припадници на националните безбедносни сили на границата меѓу Соединетите Држави и Мексико. Мексиканскиот претседател Висенте Фокс во вчерашниот телефонски разговор со Буш, како што е соопштено, ја изразил загриженоста од ваквиот потег кој, според Вашингтон, би требало да помогне во запирањето на мексиканските имигранти да влегуваат на американска територија.