Собранието на Црна Гора на денешната седница би требало да се изјасни за предлог законот за референдумот за независност што, со посредство на Европската Унија, веќе е договорен меѓу власта и опозицијата. Во законот се предвидува дека референдумската одлука ќе биде валидна ако за неа се изјаснат пеесет и пет насто од излезените избирачи. Утре собранието би требало да го утврди и датумот на одржувањето на референдумот. Власта и опозицијата се согласија тоа да биде дваесет и први мај.