Американскиот претседател Џорџ Буш ниту ги потврди, ниту ги демантира информациите на Њујорк Тајмс дека ја овластил Националната агенција за безбедност да ги контролира меѓународните телефонски разговори и интернет пораките во Соединетите Држави. Во едно телевизиско интервју, Буш одби да одговори на тоа прашање, истакнувајки дека се што прави е со цел да ги заштити американците од терористички напади и тоа во рамките на законските овластувања.
