Претседателот на Македонија Бранко Црвенковски денеска и утре во Охрид ќе им биде домаќин на претседателите на Србија и на Бугарија Борис Тадиќ и Георги Прванов. Средбата е продолжение на досегашната практика на комуникација на тројцата претседатели, а овој пат се реализира по иницијатива на претседателот Црвенковски. Предвидено е тие во Охрид да разговараат за евроатлантските интегративни процеси на трите земји.
