Преку 30 милиони гласачи денеска во Полска избираат наследник на досегашниот претседател Александар Квашњевски во рамки на вториот круг од претседателските избори. Гласачите избираат помеѓу Доналд Туск од Граѓанската платформа и конзервативецот Лех Качински од Партијата за право и правда, кои од вкупно 10 кандидати за претседателските избори се пласираа во вториот изборен круг. Според анкетите нема одреден фаворит помеѓу двајцата кандидати.