Парламентот на Република Српска синоќа во Бања Лука прифати да го укине министерството за одбрана и неговите надлежности да бидат пренесени врз зеадничката команда на Босна и Херцеговина. Со тоа е исполнет еден од основните услови за приемот на Босна во програмата Партнерство за мир. Со ист резултат се очекува да биде и гласањето што во наредниве денови треба да го одржи и парламентот на муслиманско хрватската федерација.
