Грчките власти ја продолжуваат истрагата по причините за уривањето на кипарскиот авион кај Атина во кој загинаа над сто и дваесет луѓе. Според последните испитувања на експертите, некои патници биле живи во текот на несреќата, но веројатно во бесознание. Во меѓувреме, агенциите јавија дека грчката полиција уапсила едно лице поради тоа што лажно тврдел дека добил порака на мобилен телефон од неговиот роднина во леталото пред несреќата.
