Претседателот на Република Македонија, Бранко Црвенковски денеска во прилепското село Небрегово свечено ја отвори спомен куќата каде што е роден Блаже Конески, основоположник на македонската лингвистика. Идејата на овој проект е во спомен куќата на Конески да работи македонистички центар, во кој ќе се одржуваат предавања и семинари од областа на науката за јазикот.
