Во македонската влада денеска беше потпишан договор за продажба на државното земјиште на локалитетот Градиште на скопското Кале за изградба на амбасада на Соединетите Држави. Договорот го потпишаа министерот за транспорт и врски Џемали Мехази и вршителот на должноста амбасадор Пол Волерс. Станува збор за површина од над четириесет и четири илјади квадратни метри, а вредноста на земјиштето е околу два ипол милиона евра. Новиот објект на американската амбасада се очекува да почне да се гради на пролет идната година и се очекува да трае две години.