Седум луѓе биле повредени, од кои четворица потешко во синоќешната силна експлозија во една прометна улица во Бејрут. Бомбата била подметната во близина на еден автомобил и претставува прв таков напад по повлекувањето на сириските војници од Либан и по именувањето на новата либанска влада пред два дена. Нападот се случи само неколку часови по ненадејната посета на американскиот државен секретар Кондолиза Рајс на Бејрут. Рајс денеска е во Рамала на разговори со палестинскиот лидер Махмуд Абас.