Големи израелски сили се наоѓаат и натаму на границата со Газа чекајќи наредба за напад доколку Палестинските власти не ги стават под контрола милитантите кои и ноќеска истрелуваа ракети и гранати врз еврејските населби. Истовремено израелските војници и полицајци треба да ги спречат илјадниците еврејски демонстранти кои сакаат да маршираат кон населбите во Газа кои се напуштени согласно договорот за израелско повлекување.
