Американскиот неделник Њузвик соопшти дека можеби бил неточен текстот објавен во весникот за тоа дека американските војници во затворот Гвантанамо на Куба го скврнавеле Куранот со цел да ги заплашат исамските затвореници. Главниот уредник на Њузвик изрази жалење за жртвите на протестите што избувнаа во Авганистан по објавувањето на ваквите наводи. Во неколкудневните немири загинаа четиринаесет луѓе, додека над дваесет други биле повредени.
