Основачот на Мајкрософт Бил Гејтс, според магазинот Форбс, и натаму е најбогат човек на светот со 46, 5 милијарди долари. Најмногу минатата година се збогатил индијскиот тајкун на челикот Лакшми Митал кој сега има 25 милијарди долари. Најголем губитник е поранешниот шеф на руската нафтена компанија Јукос Михаил Кодорковски кој е во затвор поради неплаќање данок. Тој загубил 12, 8 милијарди долари, но се уште има 2, 2 милијарди. Русинот Роман Абрамовиќ, сопственикот на англискиот фудбалски клуб Челзи е на 21 место во листата на Форбс со 13,3 милијарди долари.
