Американскиот авантурист Стив Фосет мина една четвритина од патот да стане првиот човек што сам ќе го прелета светот без запирање и без полнење на гориво на неговото експеримантално летало Глобал Флајер. Тој во понеделникот полета од американската држава Канзас и денеска, како што јавуваат агенциите, се наоѓал во Средна Азија. Неговото летало се движи со брзина од над шестотини километри на час и би требало до утре напладне да го заврши ова патување. Шеесет годишниот Фосет веќе има постигнато рекорд со прелетување на Земјата со балон.
