Генералниот секретар на Обединетите Нации Кофи Анан на синоќешната седница на Советот за безбедност побара итна акција за запирање на масовните убиства и воените злосторства во суданскиот регион Дарфур. Анан предложи серија мерки, меѓу кои, санкции против одговорните, поголемо меѓународно присуство и заштита на цивилите. Се проценува дека најмалку 70 илјади луѓе настрадале, а 2 милиона се раселени поради конфликтот во Дарфур меѓу владините сили и бунтовниците.