По објавувањето на резултатите од неоданемшните избори во Ирак, ќе продолжат разговорите за формирање на новата Влада. Обединетата ирачка алијанса, на шиитскиот лидер Ајатолах Али ал Систани, освои 48% од гласовите, и како што се јавува можно е блокот на шиитските муслимани, да коалицира со Курдската Алијанса, која се најде на второто место со освоени 26% од гласовите. Во моментов, во Ирак тече тридневниот рок за поднесување жалби и приговори за изборните резултати.
