Претседателот на македонското собрание Љопчо Јордановски денеска го потпиша решението за распишување на локалните избори кои ќе се одржат на тринаесетти март идната година, информира кабинетот на претседателот на собранието. Изборната кампања ќе почне на дваестти февруари и ќе трае дваесет дена. Според новата територијална организација, изборите ќе се спроведат во осумдесет и четири општини плус градот Скопје.
