Убеден сум дека во мојот втор мандат ќе биде постигнат мир меѓу Израел и Палестинците. Ова во интервју за еден израелски весник го изјави американскиот претседател Џорџ Буш. Тој рече дека во следните 4 години ќе посвети многу време и енергија на блискоисточниот конфликт со цел да се изнајде мировно решение. Буш го поддржува планот на израелскиот премиер Ариел Шарон за повлекување од окупираните палестински територии во областа Газа и Западниот Брег од идната година.
