Според првичните нецелосни резултати на претседателските избори во Авганистан, со 59 насто води привремениотр лидер Хамид Карзаи. На второ место е поранешниот министер за образование Јунус Кануни со 17 , на трето узбечкиот господар на војната Абдул Рашид Достум со 13 насто освоени гласови од досега преброените. Пребројувањето на гласовите денеска е одложено поради почетокот на светиот муслимански месец Рамазан.