Денеска во Стокхолм ќе биде објавен првиот добитник на годинашаната Нобелова награда, оној за медицина. Утре и задутре ќе бидат објавени имињата на носителите на наградата за физика и хемија, додека годинашниот нобеловец за литература ќе биде соопштен во четврток. Според предвиденото, носителот на Нобеловата награда за мир ќе биде познат в петок. Оваа награда се доделува веќе сто три години, а нејзин основач е швеѓанецот Алфред Нобел кој го пронајде динамитот. Добитниците добиваат златни медали и парична награда од над милион евра.
