Американските сили со авиони и артилерија денеска го нападнаа ирачкиот град Фалуџа. Од болнички извори се дознава дека притоа биле убиени седумина ирачани. Според американската команда, цел на нападите биле позиции на милитанти поврзани со терористичката мрежа Ал Каида. Во меѓувреме, ирачкиот премиер Ијад Алави соопшти дека, и покрај продолжувањето на насилствата, изборите во Ирак ќе се одржат, според планираното, во јануари идната година.
