Министрите за надворешни работи на Европската Унија на состанокот во Маастрихт безрезервно го осудија секој вид тероризам и изразија жалење за жртвите во заложничката криза во Северна Осетија. Во нивниот став се вели дека сите земји треба да работат заедно за спречување на таквите инциденти. Инаку, на дневниот ред на министерскиот состанок денеска е иднината на Србија и Црна Гора, како и ситуацијата на Косово.
