На конвенцијата на Републиканската партија во Њујорк, на која американски претседател Џорџ Буш формално треба да биде номиниран како кандидат за ноемвриските избори, говорниците му одаваа признание за неговото лидерство во борбата против тероризмот и одлуката за војна во Ирак. Кандидатот за потпретседател на Демократската Партија Џон Едвардс ја критикуваше изјавата на Буш за НБС во која сугерираше дека не е можно да се победи во војната против тероризмот туку дека може да се креираат услови тој да биде помалку прифатлив во одредени делови на светот. Едвардс реагираше дека не е време да се прогласи пораз и дека Демократите имаат долгорочна стратегија за безбедна Америка.
