Македонскиот претседател Бранко Црвенковски утре ќе отпатува во еднодневна официјална посета на Бугарија, по покана од бугарскиот претседател Георги Прванов. Најавено е потпишување Меморандум за соработка меѓу двете земји во процесот на евроатлантските интеграции. Претседателот Црвенковски во Софија треба да се сретне и со премиерот Симеон и со претседателот на парламентот Герџиков.
