Најмалку седум лица загинаа во синоќешниот напад на полициската станица во главниот град на Чеченија, Грозни, јави руската агенција Интерфакс. Повеќе чеченски сепаратисти се убиени, има жртви и меѓу проруските полицајци, изјави портпаролот на руските сили за северен Кавказ, генералот Илја Сабалкин. Во Чеченија на 29 август се одржуваат претседателски избори. Изборите се распишани по атентатот во кој во мај оваа годинаа загина прорускиот претседател на републиката Ахмед Кадиров.
