Денеска во Наџаф и Багдад, како што јавија агенциите продолжиле судирите меѓу американските сили и шиитските милитанти. Американските сили соопштија дека во борбите во Наџаф убиле 300 шиитски милитанти. Ова е демантирано од портпаролот на шиитскиот клерик Моктада ал Садр, според кој во борбите загинале само 36 борци. Од друга страна американците потврдија дека во Наџаф загинале двајца маринци, а во Багдад еден војник.
