Пред влезот на грчкото министерство за култура, кое игра клучна улога во подготовките за Олимписките игри во наредниот месец, ноќеска се фрлени два молотови коктели. Полицијата соопшти дека нема настрадани, а е причинета материјална штета. Досега никој не ја презеде одговорноста за нападот. Како чести сторители на вакви бомбашки напади се наведуваат грчките ултра-левичарски и анархистички илегални организации.