Поранешниот американски претседател Бил Клинтон изјави дека жали што за време на неговиот мандат не можел да го уапси лидерот на Ал Каида, Осама Бин Ладен и што не успеал да ги принуди израелците и палестинците да склучат договор за мир. Клинтон, во интервју за една американска телевизија по повод утрешното излегување на неговата книга Мојот Живот, оцени дека палестинскиот лидер Јасер Арафат направил историска грешка кога одбил да ја прифати формулата за мир со израелците.
