Министерот за надворешни работи на Република Македонија, Илинка Митрева денеска ќе отпатува во официјална посета на Хрватска. Шефот на македонската дипломатија ќе има средби со премиерот Иво Санадер и со министерот за надворешни работи Миомир Жужул. Тема на средбите ќе бидат заедничките аспирации на двете земји за интеграција во НАТО и Европската унија, како и можностите за поинтензивна билатерална економска соработка.
