Израелскиот премиер Ариел Шарон отпушти двајца министри од владата, бидејќи се противеа на неговиот план за повлекување од Газа, потег за кој се смета дека може да обезбеди тесно мнозинство во негова корист, но и да предизвика политичка криза. Планот на Шарон за повлекување на израелски населби од Газа и неколку од Западниот брег го одобрува поголемиот дел од јавноста во Израел, но наиде на жесток отпор во неговата владаеачка Ликуд Партија.
