Во ирачкиот град Наџаф се одржува примирјето што го понуди радикалниот шиитски верски водач Моктада Ал Садр, но престрелки имало во соседното место Куфа. Претставник на американските сили изјави дека тие прифатиле да се повлечат од градот кога ирачките сили ќе го воспостават редот. Меѓутоа, не е прифатено барањето на Ел Садр да се отфрлат обвинувањата против него за убиството на ривалскиот шиитски лидер.
