Во Брисел денеска се одржа свечена церемонија по повод приемот во полноправно членство во Алијансата на Бугарија, Естонија, Летонија, Литванија, Романија, Словачка и Словенија. На церемонијата пред седиштето на НАТО беа подигнати знамињата на овие земји со што и официјално Алијансата го одбележа своето проширување од деветнаесет на дваесет и шест држави. Министрите за надворешни работи на новите членки, во текот на денов, како што е најавено, ќе имаат разговори со американскиот државен секретар Колина Пауел. Во Брисел денеска ќе биде одржан и состанок на Советот, НАТО Русија. Состанокот ќе биде посветен на акцијата на Алијансата во Авганистан, на напорите за сузбивање на светскиот тероризам и на ситуацијата на Косово.