Израелските безбедносни сили се на највисок степен на готовност поради најавата од палестинските милитантни фракции дека ќе се одмаздат за убиството на духовниот водач на Хамас – Ахмед Јасин. Според извештаите од Израел, автобусите и јавните места во градовите се речиси празни. Обединетите Нации, Европската Унија и повеќе држави го осудија убиството на Јасин, а Соединетите Држави изразија загриженост од ново-настанатата ситуација, но не се придружија кон осудата.