Јакнењето на борбата против тероризмот и ситуацијата на Косво се централни теми на дводневниот состанок во Брисел на шефовите на дипломатиите на земјите членки на Европаката Унија. Министрите треба да предложат декларација во која тероризмот се посочува како клучна закана за Унијата и со која сите сегашни и идни нејзини членки се обврзуваат на заедничка акција, во духот на солидарноста, доколку една од нив биде жртва на терористички напад. Исто така се очекува на состанокот да биде упатена осуда до оние што ги поттикнале последните насилства на Косово.
