Членовите на ирачкиот привремен совет ги продолжуваат разговорите околу нацртот на уставот на земјата кој треба да се применува до општите избори. Крајниот рок за усвојување на документот истече вчера . Агенциите пренесуваат за суштински разлики меќу членовите околу текстот на уставот, но и оти постои оптимизам дека тој ќе биде усогласен денеска. Свечената церемонија за негово усвојување е одложена до среда по истекот на исламскиот празник Ашура со кој се одбележува смртта на имамот Хусеин, што за муслиманските шиити е ден на жалост.