Македонскиот пијанист Симон Трпчески вечерва во престижниот Вигмор Хол во Лондон ќе одржи концерт, во присуство на министерот за култура Благој Стефановски, кој е во четиридневна посета на британската престолнина. Трпчески и е добро познат на англиската публика, бидејќи во мај годинава беше избран за најдобар млад уметник во Велика Британија за исклучителни достигнувања од областа на класичната музика во 2002 година, од страна на Кралското филхармониско здружение основано во 1813 година.
