„На светот му е потребен нов меѓународен поредок со цел решавање на проблемите и зачувување на мирот“, рече поглаварот на Римокатоличката црква папата Јован Павле Втори во новогодишната проповед. „Повеќе од кога било ни е потребен нов меѓународен поредок кој е блиску до искуството и резултатите на Обединетите нации; поредок кој е во состојба да изнајде соодветно решение за проблемите на денешнината“, посочи Папата на мисата во базиликата Свети Петар во Рим.
