Вкупно 200 лица во текот на вчерашниот ден, се пронајдени живи под урнатините во иранскиот град Бам, кој бше погоден од катастрофалниот земјотрес во петокот, соопшти државната агенција ИРНА. Според агенцијата, луѓето се спасени благодарејки на кучињата трагачи и ултрамодерните апарати за детекција на иранските и меѓународните спасувачки екипи. Според досегашните податоци, во катастрофалниот земјотрес кој го погоди југо источниот дел на Иран, загинале над 20 илјади луѓе.
