Најмалку 24 лица загинаа во изминативе два дена од ниските температури кои ја зафатија Индија, соопштија денеска властите во оваа земја. Во некои делови од земјата температурите во текот на ноќта се симнале повеќе од 9 целзиусови степени, а во северната област Утар Пардеш денеска, е измерена температура од 13 степени, што се смета како ниска температура за приликите во Индија. Јавните установи и училиштата се претворени во засолништа за сиромашните кои најмногу се погодени од падот на температурите.
