Неколку градови во западна Турција, вклучително и главниот град Анкара, синоќа ги зафати големо снежно невреме, поради што е прекината наставата во училиштата и е затворен сообраќајот на неколку автопати, јави денеска турската новинска агенција Анадолија. Спасувачките екипи цела ноќ им пружеле помош на возачите кои наишле на силното снежно невреме. Истовремено, во Истанбул, дува силен ветер што предизвикал значителна материјална штета, но без човечки жртви, додава агенцијата.
