Во синоќешната престрелка со полицијата во скопската населба Карпош, како што соопшти министерството за внатрешни работи, бил убиен Диме Ицковски Поштарот, обвинет за повеќе кривични дела. До престрелката, според МВР, дошло кога при обидот да биде уапсен, Ицковски отворил оган и притоа ранил еден полицаец. Најавено е формирање посебна комисија за да ја испита оправданоста за употребата на огнено оружје од страна на полицајците.
