Македонска делегација предводена од премиерот Бранко Црвенковски од денеска, по покана од американскиот потпретседател Дик Чејни, ќе престојува во пет дневна посета на Соединетите Држави. Покрај разговорите со Чејни, предвидено е делегацијата да се сретне и со државниот секретар Колин Пауел. Се очекува на овие разговори да стане збор за продлабочување на македонско американските односи. Македонската делегација во Вашингтон ќе има средби и со претставниви на ММФ и Светската банка.
