Американскиот претседател Џорџ Буш, кој доцна синоќа пристигна во Лондон, денеска се сретна на традиционална церемонија со британската кралица Елизабета во Бакингемска палата каде што и ке престојува, а потоа ќе одржи говор за одлуката за војна во Ирак. Според американски извори, Буш планира да зборува за тоа дека историјата покажува оти постојат времиња кога, како сега со Ирак, е неопходна употреба на сила за да бидат одбранети мирот и демократските вредности. Во Лондон илјадници припадници на британските и американските сили презедоа огромни безбедносни мерки поради демонстрациите против американскиот претседател и одлуката на премиерот Тони Блер за учество во ирачката војна.