На донаторската конференција за Ирак што денеска завршува во Мадрид се уште не е јасно колку финансиски средства ќе бидат собрани за обновата на таа земја. Според проценките на Светската банка, на Ирак во наредните четири години ќе му бидат потребни околу триесет и шест милијарди долари. Претходно Соединетите Држави соопштија дека за ирачката обнова ќе издвојат над дваесет милијарди долари.
