Српската влада остро реагираше на тоа што Хашкиот трибунал вчера покрена обвинувања против четворица српски генерали за злосторства сторени за време на косовската војна. Меѓу обвинетите се поранешниот шеф на генералштабот Небојша Павковиќ и актуелниот шеф на јавната безбедност во Србија Сретен Лукиќ. Српскиот премиер Зоран Живковиќ изјави дека постои џентлемнски договор со Обединетите Нации дека за секој ваков случај, по предавањето на Радован Караџиќ и на Ратко Младиќ, ќе се покренува постапка во земјата.
